ნამუშევრები

  • სატესტო ნამუშევარი

     

  • სატესტო ნამუშევარი (2)

     

  • სატესტო ნამუშევარი (3)

     

ამბები

სიახლე
ბლოგი
ღონისძიებები
  • როგორ დავიბრუნოთ დასვენების შემდეგ მოტივაცია
  • როგორ დავიბრუნოთ დასვენების შემდეგ მოტივაცია

     

    "თუ სწორად გაქვს დაგეგმილი დრო, არც დასვენების დღეებია პრობლემა, მთავარია დაგეგმვა. როგორც შენი ცხოვრების ასევე შენი კარიერის და იმ ბალანსის დაცვა რასაც ჰქვია მუშაობა და დასვენება." ჯეპრას უფროსი კონსულტანტი, სოსო გალუმაშვილი, "დილა უქმეებზე"-ს სიუჟეტში. 

  • ჰაკათონი ნიკო ნიკოლაძის ჩეთბოტის შესაქმნელად
  • ჰაკათონი ნიკო ნიკოლაძის ჩეთბოტის შესაქმნელად

     

    19-21 თებერვალს ილიას სახელმწიფო უნივერსიტეტისა და საკონსულტაციო კომპანიის ჯეპრა ორგანიზებით გაიმართება მასშტაბური ჰაკათონი ნიკო ნიკოლაძის ჩეთბოტის შესაქმნელად .
     
    ჰაკათონის მიზანია შეიქმნას XIX-XX საუკუნის უდიდესი ნოვატორისა და ინტელექტუალის, ნიკო ნიკოლაძის ციფრული ენობრივი ასლი – ჩეთბოტი, რომელთან საუბრისას ადამიანებს გაუჩნდებათ განცდა თითქოს ნიკო თავად უყვება საკუთარ მოღვაწეობასა და შემოქმედებაზე.
    საუკეთესო ჩეთბოტი ვებგვერდზე nikonikoladze.ge ინტეგრირდება და ფართო აუდიტორიას ექნება მასთან კომუნიკაციის შესაძლებლობა.
     
    ვის შეუძლია ჰაკათონში მონაწილეობა?
     
    ჰაკათონში მონაწილეობა შეუძლიათ საშუალო საგანმანათლებლო დაწესებულებების დამამთავრებელი კლასების (X-XII კლასები) მოსწავლეებსა და აკრედიტებული უმაღლესი სასწავლებლების სტუდენტებს მთელი ქვეყნის მასშტაბით.
    რაიმე წინასწარი ტექნიკური ცოდნა ჰაკათონში მონაწილეობისთვის საჭირო არ არის.
    ჰაკათონზე რეგისტრაციის დასრულებამდე ილიას სახელმწიფო უნივერსიტეტის კიბერლაბორატორია უნილაბი და კომპანია AnimChatbotics-ი ჰაკათონში მონაწილეობის მსურველებისთვის ჩაატარებენ ღია ლექციებისა და ვორკშოპების ციკლს და მონაწილეებს ჩეთბოტის შექმნისთვის საჭირო ინფორმაციას მიაწვდიან.
    ასევე, ლექციები გაიმართება ნიკო ნიკოლაის მოღვაწეობისა და შემოქმედების შესახებ.
    ინფორმაცია დაგეგმილი აქტივობების შესახებ ილიას სახელმწიფო უნივერსიტეტისა და ნიკო ნიკოლაძის პრემიის ვებგვერდებზე განახლდება.
     
    როგორ მივიღო მონაწილეობა ჰაკათონში?
     
    ჰაკათონში მონაწილეობისთვის საჭიროა 2021 წლის 12 თებერვლამდე შეავსოთ ონლაინ სააპლიკაციო ფორმა და შეასრულოთ ფორმაში მოცემული შესარჩევი დავალება:„ჩემი ინტერვიუ ნიკო ნიკოლაძესთან“ (შეარჩიეთ 5 შეკითხვა, რომლებსაც ნიკო ნიკოლაძეს დაუსვამდით, და გაეცით შესაძლო პასუხები).
     
     აპლიკაციის განხილვის საფუძველზე შეირჩევიან ჰაკათონის მონაწილეები.
    ◾ მოსწავლეების სააპლიკაციო ფორმა shorturl.at/lmtEV
    ◾ სტუდენტების სააპლიკაციო ფორმა shorturl.at/atCHO
    აპლიკაციის შევსების ბოლო ვადა: 2021 წლის 12 თებერვალი, 23:59 საათი
     
    რა ფორმატით ჩატარდება ჰაკათონი?
     
    შექმნილი ვითარებიდან გამომდინარე, ჰაკათონი დისტანციურ ფორმატში ჩატარდება პლატფორმა ზუმის გამოყენებით.
    ჰაკათონის სააპლიკაციო ფორმას ავსებთ ინდივიდუალურად. შერჩეული კანდიდატები ჰაკათონის პირველ დღეს, 19 თებერვალს, სურვილის შემთხვევაში, ფორმირდებიან გუნდებად. გუნდში წევრების რაოდენობა არ უნდა აღემატებოდეს 4-ს. შესაძლებელია პროექტის ინდივიდუალურად წარმოდგენაც.
     
    🏆 მთავარი პრიზი
    ნიკო ნიკოლაძის პრემია ანაზღურებადი სტაჟირებისთვის
    ◾ I ადგილი – 2500 ლარის ოდენობის ჯამური პრემია სტაჟირებისთვის
    ◾ II ადგილი – 1500 ლარის ოდენობის ჯამური პრემია სტაჟირებისთვის
    ◾ III ადგილი– 1000 ლარის ოდენობის ჯამური პრემია სტაჟირებისთვის
    👉 სტაჟირება გულისხმობს ჩეთბოტების განვითარებაზე მუშაობას. I ადგილზე გასული გუნდი იმუშავებს ნიკო ნიკოლაძის ჩეთბოტის განვითარებაზე კომპანია ჯეპრაში. II და III ადგილებზე გასული გუნდები კი ჟიურის გადაწყვეტილებით იმუშავებენ ან ამავე ჩათბოტის განვითარებაზე, ან სხვა არსებული ჩათბოტის დახვეწაზე.
    🏆 ილიაუნის სპეციალური პრიზი
    ილიას სახელმწიფო უნივერსიტეტი გამოავლენს 2 რჩეულ გუნდს – სკოლის მოსწავლეებისგან დაკომპლექტებულ გუნდებსა და ილიაუნის სტუდენტებისგან დაკომპლექტებულ გუნდებს შორის.
    ◾ სკოლის მოსწავლეების რჩეული გუნდის თითოეული წევრი ილიას სახელმწიფო უნივერსიტეტისგან 500-ლარიანი სასტიპენდიო პირობებიანი ვაუჩერით დაჯილდოვდება, რომლით სარგებლობასაც შეძლებს ილიას სახელმწიფო უნივერსიტეტში ნებისმიერ მისთვის საინტერესო აკადემიურ პროგრამაზე სწავლის გაგრძელების შემთხვევაში ;
    ◾ ნებისმიერი გუნდი, რომელიც ილიაუნის სტუდენტებისგან იქნება დაკომპლექტებული და კონკურსში გაიმარჯვებს (I, II ან III ადგილზე გავა), ილიას სახელმწიფო უნივერსიტეტისგან მიიღებს 1000-ლარიან დაფინანსებას.
     
    გარდა ამისა, ილიაუნის კიბერლაბორატორია უნილაბი I ადგილზე გასულ გუნდს გაუწევს რამდენიმეთვიან მენტორობას, რათა სრულყოფილი ჩეთბოტი შეიქმნას.
     
    ჰაკათონის განრიგი
     
    ჰაკათონი სტარტს 19 თებერვალს, პარასკევს, 19:00 საათზე, აიღებს და 22 თებერვალს დასრულდება. ჰაკათონის მონაწილეები 72 საათის განმავლობაში იმუშავებენ ჩეთბოტებზე.
    ამ პროცესში მათ მენტორობას ილიას სახელმწიფო უნივერსიტეტის კიბერლბორატორია უნილაბისა და AnimChatbotics-ის თანამშრომლები გაუწევენ.
    იხილეთ დეტალური განრიგი ბმულზე:
     
    🟢 პროექტის პარტნიორები
    ◾ საკონსულტაციო კომპანია ჯეპრა ჰაკათონის გამარჯვებული გუნდების წევრების ანაზღაურებადი სტაჟირებისთვის გამოყოფს ნიკო ნიკოლაძის 7500-ლარიან საპრემიო ფონდს;
    ◾ ილიას სახელმწიფო უნივერსიტეტი ჰაკათონის გამარჯვებული და რჩეული გუნდებისთვის 5000-ლარიან ფონდს გამოჰყოფს;
    ◾ AnimaChatbotics-ი ჰაკათონის მონაწილეებს ჩეთბოტების ასაწყობი პლატფორმით უფასო სარგებლობის შესაძლელობას მისცემს;
    ◾ ილიას სახელმწიფო უნივერსიტეტის კიბერლაბორატორია უნილაბი ჰაკათონის წარმატებულ მონაწილეებს მენტორობის პროგრამაში ჩართავს;
    ◾ ნიკო ნიკოლაძის საზოგადოება
    დამატებითი ინფორმაციისთვის
    გაწევრიანდით ჰაკათონის დახურულ ფეისბუქჯგუფში: https://bit.ly/2KKEb8T
  • მასტერკლასი გორის სახელმწიფო სასწავლო უნივერსიტეტში
  • მასტერკლასი გორის სახელმწიფო სასწავლო უნივერსიტეტში

     

    გორის სახელმწიფო სასწავლო უნივერსიტეტმა საკონსულტაციო კომპანია ჯეპრამ და "ლურჯი ოკეანემ" უმასპინძლეს სოსო გალუმაშვილის ონლაინ ლექცია-მასტერკლასს „როგორ შევქმნათ ინოვაციური ბიზნესი”.
     
    ℹ ღონისძიება, საქართველოს რეგიონებში ონლაინ მასტერკლასების ტურნეს ფარგლებში გაიმართა.